WordPress во 2024: официјални статистики и трендови што ја држат платформата на врвот !

Во 2024 година, WordPress останува лидер на пазарот на системи за управување со содржина (CMS). Оваа платформа продолжува да го привлекува вниманието на блогери, бизниси и програмери поради својата флексибилност, скалабилност и огромната заедница која постојано ја поддржува платформата и се подобрува. Пренесуваме некои од најважните официјални статистики за WordPress во 2024, како и клучните фактори што го прават WordPress најпопуларна платформа, кои се мал дел од големиот број причини зошто вашата веб страната е одлично да е изградена на WordPress платформа.

Сè започнува кога двајва корисници на софтвер за блогирање наречен b2/cafelog одлучуваат да го развиваат софтверот во нов праве. Идејата е произлезена од Matt Mullenweg, на кого му се придружува и Mark Little. Заедно, на 27-ми Мај 2003-тата година ја создаваат првата верзија на Wordpress. Кумот на името WordPress е Christine Selleck Tremoulet, другарот на Matt Mullenweg (со-основач на Wordpress). WordPress нема сопственик и нема CEO. WordPress е проект воден од волонтери девелопери од целиот свет. 

Оттогаш, од едноставен софтвер за блогирање Wordpress прерасна во CMS, алатка за градење на веб страни, платформа за е-трговија, и многу многу повеќе.

WordPress во 2024 доминира со 43% од сите веб страници

WordPress и во 2024 година продолжува да биде најпопуларната CMS платформа во светот, контролирајќи над 43% од сите веб страници (над 455 милиони – извор Techjury), и дури 64.3% од целиот пазар за CMS-и (извор CodeinWP). Ова е огромен пазарен удел, особено ако се земе предвид дека следниот конкурент, Shopify, има околу 6% пазарен удел. Wordpress платформата ја користат големи брендови како Disney Books, Sony Music, Time Magazine, Meta Newsroom, и други. Секојдневно, на интернет се објавуваат повеќе од 1000 нови WordPress веб страни кон постоечките 10 милиони следени од W3Techs.com.

Оваа статистика покажува дека WordPress не е само популарен, туку и основа на интернет присуството на милиони компании и блогери. Анализата на пазарниот удел покажува дека Wordpress платформата е во огромна предност пред останатите 8 платформи кои доминираат.

Зошто WordPress останува лидер?

• Флексибилност: Без разлика дали креирате мал блог, е-продавница или корпоративна веб страница, WordPress нуди решение кое лесно се прилагодува на вашите потреби.
• Бесплатен и со отворен код: Платформата е бесплатна и може да се прилагоди до секој детал благодарение на нејзиниот отворен код. Прилагодувањето можете да си го правите сами или со мал буџет кој може да си го овозможи секој бизнис и поединец.
• Голем избор на додатоци и теми: Со повеќе од 100,000 додатоци и илјадници теми (подлоги за изгледот на вашата веб странат), WordPress е платформа што секогаш може да се прилагоди на новите потреби и трендови.
• Глобална заедница: Заедницата на WordPress придонесува кон редовни ажурирања, поддршка и нови функционалности, што значи дека платформата секогаш напредува, секојдневно.

Над 60 милиони нови блог постови секој месец

WordPress е водечки систем за блогирање и во 2024-та година. Според официјалните податоци, над 60 милиони нови блог постови се објавуваат секој месец на WordPress платформата. Оваа статистика го поставува WordPress како централно место за создавање на содржини на интернет.

Трендови во блогирањето на WordPress во 2024 година:

• SEO оптимизација: Долгите блог постови од 2000+ зборови, кои се подобро рангирани на пребарувачите, продолжуваат да доминираат.
• Мобилна оптимизација: Како што сè поголемиот дел од сообраќајот на веб страниците доаѓа од мобилни уреди, блоговите сè повеќе се прилагодуваат на мобилните корисници, со респонзивен (прилагоден) дизајн и лесна навигација.
• Интерактивни содржини: Видеата, анкетите и инфографиците стануваат составен дел од блоговите, со цел да се зголеми ангажираноста на читателите.

WooCommerce доминира во е-трговијата со 28% од пазарниот удел

Во 2024 година, 28% од сите е-продавници (или 705.175 според извор Datanyze) се изградени со WooCommerce, популарниот додаток за e-продавници за WordPress платформата. Ова го прави WooCommerce најчестото користено решение за онлајн продавници, далеку пред другите платформи како Shopify и Magento.

Клучни придобивки на WooCommerce:

• Флексибилност: WooCommerce може да се користи за продажба на секакви производи, од физички до дигитални, вклучително и претплати и членства.
• Множество додатоци: Секој аспект од е-продавницата може да се прилагоди со додатоци, вклучувајќи интеграции за плаќање, следење на нарачки и маркетинг алатки.
• Глобална поддршка: WooCommerce е поддржан од голема заедница на девелопери (ИТ развивачи) и трговци, што го прави идеално решение за продажба преку интернет за сите бизниси.

Мобилна оптимизација: Повеќе од 60% од сообраќајот на веб страниците доаѓа од мобилни уреди

Сурфањето од мобилни уреди ни станува навика, почесто сурфаме од мобилен уред отколку од десктоп или лаптоп. Секоја веб страница мора да биде добро оптимизирани за сите мобилни уреди. Во 2024 година, повеќе од 60% од посетите на WordPress веб страниците доаѓаат од мобилни уреди.

Зошто мобилната оптимизација е клучна и за веб страниците на WordPress во 2024:

• Респонзивен дизајн: Мобилниот-пријателски дизајн е неопходен за секоја веб страница. WordPress темите се прилагодуваат на различни големини на екрани, што овозможува беспрекорно корисничко искуство на мобилни уреди.
• SEO рангирање: Google го нагласува мобилниот-пријателски дизајн (респонзивен дизајн) како критериум за рангирање, така што добро оптимизираните WordPress веб страници имаат подобри шанси да се појават повисоко во резултатите на пребарувачите.

Повеќе од 100,000 додатоци за WordPress во 2024

WordPress платформата во 2024 година продолжува да расте со повеќе од 100,000 додатоци, кои овозможуваат прилагодување на веб страната според потребите на корисникот.

Најпопуларни додатоци за 2024 година:

• Yoast SEO: Сè уште водечки додаток за SEO, овозможувајќи им на корисниците да ја оптимизираат содржината за пребарувачите како Google или Bing на лесен начин.
• Elementor: Овој популарен креатор на страници со drag-n-drop (разместување) им овозможува на корисниците да креираат професионални дизајни без програмирање.
• WooCommerce: Додатокот за е-продажба на WordPress продолжува да биде најпопуларниот избор за создавање е-продавници.

WordPress во 2024 поддржува повеќе од 200 јазици

Во 2024 година, WordPress поддржува повеќе од 200 јазици, што го прави идеален избор за глобални веб страници кои се прилагодуваат на различни јазични групи.

Клучни трендови во локализација на WordPress:

• Автоматски преводи: Сè поголем број веб страници користат додатоци како WPML и Polylang за да обезбедат автоматски преводи и повеќејазична поддршка.
• Локализирани теми и додатоци: WordPress заедницата активно работи на превод и локализација на теми и додатоци за да ги направи достапни на повеќе јазици.

WordPress заедницата е составена од над 10,000 активни членови – придонесувачи

WordPress е софтвер со отворен код, што значи дека е поддржан од заедницата. Во 2024 година, повеќе од 10,000 активни членови – придонесувачи учествуваат во развојот на платформата. Оваа огромна мрежа на развивачи и ентузијасти е одговорна за редовните ажурирања и подобрувања на платформата. Доколку користите WordPress платформа за својата веб страна, овој ресурс ви е бесплатен што е огромно олеснување во буџетот.

WordPress настани за членовите на заедницата во 2024:

• WordCamps: Овие настани продолжуваат да се одржуваат низ целиот свет, привлекувајќи илјадници корисници и развивачи кои сакаат да споделат идеи и искуства.
• Meetup групи: Милиони WordPress корисници се поврзуваат преку Meetup групи за да учат и да ги подобруваат своите вештини.

Иднината на WordPress: нови технологии и трендови

WordPress не е само платформа која се развива, туку и која активно се адаптира кон идните трендови. Во 2024 година, WordPress продолжува да воведува иновации што ќе го одржат релевантен и во иднина.

Што да очекуваме од WordPress во следните години:

• Интеграција на AI технологии: Со порастот на AI алатките, WordPress започнува да интегрира вештачка интелигенција за подобра автоматизација на содржината, предлози за оптимизација и персонализација на корисничкото искуство.
• Headless CMS: Оваа нова парадигма во развојот на веб страни им овозможува на корисниците да ги користат предностите на WordPress како бекенд, додека користат други технологии за предниот дел на веб страната.
• Поголема безбедност: WordPress ќе продолжи да ја подобрува својата безбедност преку редовни ажурирања и нови безбедносни додатоци, што е критично со оглед на зголемениот број на сајбер напади.

WordPress во 2024 година е повеќе од само платформа за веб страници. Тој е еден од клучните столбови на интернетот, што го овозможува дигиталниот свет за милиони корисници ширум светот. Со доминација на пазарот, раст на блог постовите, експлозија на е-трговијата преку WooCommerce и зголемена употреба на мобилни уреди, WordPress останува неприкосновен избор за секој што сака да создаде или одржува веб странa.

Благодарение на постојаните иновации, заедницата и отворената структура, WordPress е поставен да продолжи да доминира и да се адаптира кон новите предизвици на дигиталниот свет. WordPress секоја следна година ги руши своите претходни рекорди.

Имате веб страна за својот бизнис ?

Ќе ни значи да го споделите линкот за да се запознаеме со вашата веб страна, со вашиот бизнис. Едноставно пополнете го формуларот во продолжение, а ние ќе ви подариме гратис анализа, проценка и препораки за подобрување. Важно е вашата веб страница да Ви донесе раст во бизнисот!